Félag Íslenskra Félagsliða

Í samstarfi við Fræðslusetrið Starfsmennt verða haldin námskeið fyrir félagsliða á austurlandi og eru þetta sömu námskeiðin og verða í boði í Reykjavík.

Fræðslufundirnir verða á eftirfarandi tímum:

Þriðjudaginn 27. apríl – Vinnugildi og siðfræði starfs – kl. 16-19

Þriðjudaginn 4. maí – Viðbrögð við áföllum á vinnustað – kl. 16-19

Þriðjudaginn 11. maí – Ótilhlýðileg háttsemi á vinnustað – kl. 16-19

Námskeiðin verða haldin hjá Þekkingarneti Austurlands, Tjarnarbraut 39e, Egilsstöðum.

Öll skráning á námskeið fer fram rafrænt á vefsíðu Starfsmenntar (www.smennt.is) en velkomið er að hafa samband við starfskonur Starfsmenntar í síma 525-8395 ef þörf er á aðstoð eða nánari upplýsingum um námskeiðin.

Námskeiðin eru einnig opin fyrir aðra sem vinna innan félags- og heilbrigðisgreina.

Vegna vandkvæða við að hafa fjarfundarkennslu á sama tíma og námskeiðin eru í Reykjavík, þá hefur verið fallið frá því.  Í staðinn munu kennarar fara út á land, Ísafjörð, Akureyri og Egilsstaði, til að vera með þessi sömu námskeið.

Dagsetningar eru enn ekki komnar á fast en stefnt er að því að hafa þetta eftir miðjan aprílmánuð.  Nánari upplýsingar verða birtar síðar.

Félag íslenskra félagsliða mun á næstunni, í samstarfi við Fræðslusetrið Starfsmennt halda þrjá fræðslufundi og eru þeir metnir samkv. kjarasamningum til eininga til launaflokkahækkunar.

Fræðslufundirnir verða á eftirfarandi tímum:

Miðvikudaginn 24. mars – Ótilhlýðileg háttsemi á vinnustað – kl. 18-21

Fimmtudaginn 8. apríl – Viðbrögð við áföllum á vinnustað – kl. 18-21

Fimmtudaginn 29. apríl – Vinnugildi og siðfræði starfs – kl.18-21

Viðbrögð við áföllum á vinnustað

Markmið: Að þátttakendur geti greint eðlileg viðbrögð við sorg, kreppu og áföllum og einnig hvernig hægt er að vinna sig út úr þeirri líðan. Fjallað verður um þá sorg og höfnun sem þeir sem misst hafa atvinnuna geta upplifað og hvernig takast má á við þá stöðu. Jafnframt er markmiðið að þátttakendur hafi innsýn í hvert hægt er að leita ef vanlíðan kreppu, sorgar eða áfalla veður meiri en einstaklingur eða fjölskylda getur afborið.

Vinnugildi og siðfræði starfs

Markmiðið með námskeiðinu er að þátttakendur velti fyrir sér þeim siðferðisspurningum og siðferðilegu álitamálum sem komið geta upp við úrlausn verkefna á starfsstað og hvaða leiðir eru farsælar í þeim efnum.

Ótilhlýðileg háttsemi á vinnustað

Á námskeiðinu verður stutt kynning á Vinnueftirlitinu og grunnvinnuverndarstarfi. Einnig verður fjallað um andlegan og félagslegan aðbúnað á vinnustað og unnin verða stutt verkefni. Á námskeiðinu verður skilgreint hvað er einelti og hvað felst í því að vera fórnarlamb, gerandi og áhorfandi. Skoðaðar verða mismunandi birtingarmyndir eineltis á vinnustað. Hvað er hægt að gera þegar upp kemur einelti á vinnustað? Er til áætlun hjá stofnunni um hvernig sé brugðist við einelti meðal starfsmanna. Einnig verður fjallað um hvað er kynferðisleg átreitni og hvaða aðstæður á vinnustað geta ýtt undir einelti og kynferðislega áreitni.

Staður og stund: Námskeiðin verða í sal á 1. hæð í BSRB húsinu, Grettisgötu 89, kl. 18-22.

Öll skráning á námskeið fer fram rafrænt á vefsíðu Starfsmenntar www.smennt.is en velkomið er að hafa samband við starfskonur Starfsmenntar í síma 525-8395 ef þörf er á aðstoð eða nánari upplýsingum um námskeiðin.

Vegna útgáfu staðfestingaskírteina er nauðsynlegt er að skrá sig á fræðslufundina.

Fundirnir eru opnir öllum félagsliðum

Nánari upplýsingar gefur formaður Félag íslenskra félagsliða, í síma 849-0876.